PART:-2
Kunal nagw swgoi kha tei bini ama(Sabita) door fiyok goi rwkha.
Sabita- kunal ang nonw manoi kwchar mani twboi de faikha?
Kunal kono response roya yoi bini room oh thangoi twnkha.
Sabita- kunal?!
Kunal- eh ama! kono de sa nwng?
Sabita- ang kwchar mani manoi la?
Kunal- oh ama shop off se...khwna twboi rwfai si wa no..okk ang ani room oh thanganai ..mwktwroi fai twng kha.. bye!
Sabita- kunal kono de owng?
Kunal kwno salia..tei bibi room oh thangoi riswlai ..bibi ama bai achok fai fi kha..aforo khe kunal ni mwnai faikha, bomong khe karan.
Karan- hey! mom.
Sabita- yang fai la Karan, mwkhango tamo nang jak sa.
Kunal tei bini ama (sabita) bibi mwkhang nw nasik goi sotonoi mwnoi lai kha.
Karan- ama, kunal tamo?
Kunal- karan nini mwkhango lipstick nang jak.(mwnoi totoi).
Karan- hwnkhe tamo ownkha sa... bwroi rok ano hamjagoi kobor hwnkhe.(lachi jaktotoi).
Kunal- ha ha ha... ohh kok sama bagwi ang bai hug khwlai fai gadi ani mwnai.
Karan kunal nw hug khwlai kha tei kwnoi no mwnoi lai kha... tei karan bini room ohh thang kha.
Kunal- ohh chwrai le kobor nw.
Sabita- karan le party tei tonthok tei ghori mang twngo.. nwng khe college daily thangw.
Kunal- hmmm.. college thang khe no hamjagma borok manai bwle.
Sabita- satan!..... hamjagma borok de mang kha sa?
Kunal- saimaya ama... tofano tini borok masa no nwgoi bwkha ohh wanswkma kha.. tei bini mwkhang ani mwkhang bwskan gw mang c owngoi twng sio.
Sabita- amo no hamjagma la kobor.... nwng bono bwkha se riwoi paikha na! (mwnoi totoi).
Kunal- ahai ya ama(lachijak totoi). bono tini nw pwila nogw ang..markhenw borok kaham tei naithok bw.. bwkha de riwoi paijak kha ang silia tofano ani bwkha bono nw hamjag na mwchwngo.
Sabita- bomong tamo sa bini?
Kunal- Dipika(lachijak totoi).
Sabita- hmm.. hai de owntong ng!
Karan sokfai rofai kha ohh jora ohh
Karan- paa.. dara bw romantic ownkha hai de. akon khwna ang college so fai twngo.
Sabita- oh my God! khwna le ang mwtai barok si nai tamo ni hwnkhe ani bwsa jwla college thana ni bwkha ownkha...bwini khwa-mwa ta nang thwng!.
Kunal khe mwnoi twnkha borok ni kok khwna woi.
Karan- ama asok ta bengai si di ano...tei nwng(kunal) bw ta mwnoi di asok...ang Dipika bai se malai na thana nayo.
Asok kok sai karan thangoi pai kha
Kunal- khwna bai khe four days owng nai karan ni oh month oh college so than mani.
Sabita- bw tangoi thana nai college nwng sai de mang.
Kunal- ang bwchijak ama..bw tangoi college oh thana hwn..bw ano markhe no hamjago tei ang bahai borok no bwkha rokha...ahh borok kaham de hamya bw nai na mwchwng jago...
Sabita- jesa fano owngthong ani bwsa bwle tei nini mwnai bwle.
(Karan bwrok ni bebak kok khwnai twngo)
Karan fai rwkha borok kok salai ma jagao
Karan- tamw asok drama owng lai kha norok..borok ni mote toi haino wanswkgoi twng la yo..ang ba Kunal bahai khe hamjag kha tei sabo no hamjag kha..tei naithok de..ang bw kisa nai na ni mwchong kha taa!
(Dipika ni nagw)
Dipika nagw swgoi kha..bw bini dara(Rakesh) tei bachoi(Soma) bai twngo.
Dipika- hey! bachoi ...dara de faikha?
Soma- ehi! bw ler nai fo tini..nwng se sadi bahai ownkha sa college? class de swlai kha sa?
Dipika- eh! bachoi class swlai kha tei kwtal class bw rochao tei tini ni pwila teacher question khwlai mano "Hamjagma tamw nw hwn"? hahaha
Soma- kwboi de? hwn khe sabw kaham answer rwkha sa? ang sai mano ani mwnai nw bwini sai kaham answer rwkha taaa!(mwnoi totoi)
Dipika- eh! amo kono kwtor kok ya.hahaha
Soma- je borok hamjagma khwlai jag bwno sai manai ta, haya de ba?
Dipika- eh! bachoi.. hamjagma kaisa manoi aro bwkha siming baawo tei borok nw jala rowo.. hamjagma borok no chikon chikon khe swbai kolang thango..ohh kok ang sara tei kebw sia ..tamwni hwn khe ang bw hamjagoi naijag.
Soma- Dipika agini kok rok nw pwgoi thang si di.
Dipika- pwgoi nw thang kha bwle bachoi...ohh bachoi nwng toi Roma nw sakha de? bw fonok mani chwla ang bai kaina hwnoi..ang kaijak nani gwsio hwnoi sadi.
Soma- ehe! ang alo sai rwa nw bwno.
Dipika fresh owng na bagoi bini room ohh thangoi paikha.
Soma- tamw hwnoi sasi nai ang nonw Dipika. hamjag ya woi kaijak khe ng bahai khe happy twngnai... tei bwkha baimani alo nwng bw kiri jag kha te waisa hamjag nani..but bebak borok nw bwkha swbai ya bwle..masa-masw kaham borok bw twng bwle..hmmm!
Dipika bini room mo saichwng achok jak..aforo bw bini hamjag ma borok nw mwito mankha je borok nw bw markhenw hamjag mani.
Dipika- ehi! ang bini bagwi wanswk na mwchong ya.
hwnke bw TV khwlogoi sound kwbang khwlai rwkha tofano bw bini hamjagma borok nw mwito manoi twng kha.
Dipika- tangoi..tangoi..ang tangoi bwno mwito manoi twng? tanoi!!
Dipika mwkol mwkwmoi thona ni try khwlai kha..tei bw sorap sa twngoi mwktoroi thankha.
To be Continued....
Keep reading.......
No comments:
Post a Comment